Heimavist MA og VMA

Til hamingju með útskriftina brautskráningarnemendur VMA!

Tue, 02 Jun 2026 10:55:00 +0000

Starfsfólk Heimavistar MA og VMA óskar brautskráningarnemendum Verkmennntaskólans á Akureyri innilega til hamingju með áfangann! Við brautskráninguna í Hofi þann 29. maí flutti Hulda Þórey Halldórsdóttir ávarp fyrir hönd brautskráningarnema. Hulda Þórey er nýstúdent af íþrótta- og lýðheilsubraut og formaður nemendafélagsins Þórdunu síðustu tvö skólaár. Hún hefur verið búsett á Heimavistinni öll námsárin og þökkum við henni sem og öllum hinum brautskáðu samfylgdina á árunum.

Tilkynning frá þvottahúsinu

Mon, 11 May 2026 10:06:00 +0000

Kæru íbúar! Vinsamlegast munið að skila bæði þvottaneti og þvottalykli í móttökuna. Munið eftir að tæma þvottahólfið ykkar áður en farið er heim í sumarfrí. Athugið með óskilamuni í hillu frammi í þvottahúsi.

Brottför af heimavist - skil á herbergi

Thu, 07 May 2026 15:16:00 +0000

Kæru íbúar ! Nú eru einhverjir íbúar þegar farnir að skila af sér herbergjum og halda út í vorið. Við minnum alla á að þrífa herbergin samviskusamlega og skila þeim eins og þeir tóku við þeim við komuna á stóra heimilið. Varðandi lokun í vor þá er það dagsetning á húsaleigusamning sem segir til um lokadagsetningu hjá viðkomandi íbúa. 23. maí er síðasti leigudagur VMA íbúa. 29. maí er síðasti leigudagur MA íbúa. Áður en þið farið heim, vinsamlegast: Nálgist þrifablað / gátlista í afgreiðslu vegna herbergisþrifa. Sækið vagn með ræstivörum. Skilið lykli/korti af herbergi. Skilið þrifablaði / gátlista útfylltum til starfsmanns. Skilið þvottahúslykli og neti í afgreiðsluna Óhreinar hlífðardýnur eiga að fara í merkta körfu. Brúsar með þrifaefnum og fægiskófla og kústur (þrifið og hreint) niður í móttöku. Hafið alltaf samband við starfsmann við brottför. Gangi ykkur vel í prófum/námsmatsverkefnum Starfsfólk Heimavistar MA og VMA

Reglur á próftíma taka gildi 8. maí

Tue, 05 May 2026 13:56:00 +0000

Næðistími á Heimavistinni hefst 8. maí - Á próftíma á að vera næði allan sólarhringinn. - Ekki er heimilt að hafa hjá sér gesti nema með sérstöku leyfi starfsmanns. - Ekki eru veitt leyfi fyrir næturgestum meðan á próftíma stendur. - Tónlist og sjónvörp á herbergjum og á setustofu mega alls ekki valda ónæði. - Seta í anddyri og á göngum skal takmörkuð Hafið samband við starfsmann í vaktsíma 899-1602 ef þið verðið fyrir ónæði. Gangi ykkur vel i prófum og verkefnum. Sýnum öll tillitssemi Starfsfólk Heimavistar MA og VMA

Búið er að opna fyrir umsóknir um Heimavist skólaárið 2026-2027

Wed, 29 Apr 2026 12:36:00 +0000

Búið er að opna fyrir umsóknir um Heimavist skólaárið 2026-2027. Við viljum benda á að bæði nýjir og núverandi íbúar á Heimavistinni þurfa að sækja um á heimavist fyrir næsta skólaár. Sótt er um á forsíðu heimasíðunnar heimavist.is Opið verður fyrir umsóknir til og með 10. júní. Umsóknir sem berast eftir að umsóknarfrestur rennur út eru settar á biðlista.

Umsóknir fyrir næsta skólaár 2026-2027

Fri, 10 Apr 2026 09:35:00 +0000

Við viljum benda á að bæði nýjir og núverandi íbúar á Heimavistinni þurfa að sækja um á heimavist fyrir næsta skólaár. Stefnt er að því að opna fyrir umsóknir í lok apríl. Auglýst verður hér á heimasíðunni og á fb síðu þegar opnað verður fyrir umsóknir. Opið verður fyrir umsóknir til 10. júní.

Páskalokun kl. 12:00 laugardaginn 28. mars

Mon, 23 Mar 2026 14:30:00 +0000

Senn líður að páskafríi íbúa en báðir framhaldsskólarnir MA og VMA eru með síðasta kennsludag fyrir páska föstudaginn 27. mars. Heimavistin lokar kl. 12 á hádegi laugardaginn 28. mars. Opnum aftur eftir páskafrí mánudaginn 6. apríl, annan í páskum kl. 12. Áður en þið farið í páskafrí munið að: Hafa herbergin snyrtileg, þá verður svo gaman að koma aftur. Fara með ALLT rusl af herbergjum út í gám. Slökkva á rafmagnstækjum og taka úr sambandi – allt nema ísskápinn, en athuga hvort þar séu matvæli sem geta skemmst. Loka gluggum. Stilla ofna á 3. Með Páskakveðju, Starfsfólk Heimavistar MA og VMA.

Páskabingó á miðvikudaginn 25. mars fyrir íbúa heimavistar

Mon, 23 Mar 2026 11:44:00 +0000

Páskabingó miðvikudaginn 25. mars fyrir íbúa heimavistar. Á setustofunni kl. 20:00. Veglegir páskavinningar í boði.

Lokun á Heimavist MA og VMA yfir páskana

Thu, 26 Feb 2026 15:22:00 +0000

Heimavist MA og VMA verður lokað um hádegi, kl. 12:00 laugardaginn 28. mars. Við opnum aftur annan dag páska, mánudaginn 6. apríl. Varðandi lokun í vor þá er það dagsetning á húsaleigusamning sem segir til um lokadagsetningu hjá viðkomandi íbúa. 23. maí er síðasti leigudagur VMA íbúa. 29. maí er síðasti leigudagur MA íbúa.

Námsmatsdagar og vetrarfrí 19. og 20. febrúar

Thu, 19 Feb 2026 09:01:00 +0000

Kæru íbúar! Áður en þið farið heim vinsamlegast munið að: - Hafa herbergin snyrtileg, þá verður svo gaman að koma aftur. - Fara með allt rusl af herbergjum út í gám. - Slökkva á rafmagnstækjum (nema ísskáp) og ljósum. - Tæma ísskáp og örbylgjuofn. - Loka gluggum. - Stilla ofna á 3. - Skrá brottför í heimferðaskráningu á heimasíðunni. Muna að kíkja í þvottahúsið og tæma þvottahólfið.

Ársfundur Lundar - Heimavistar MA og VMA

Thu, 22 Jan 2026 11:48:00 +0000

Ársfundur Lundar 2025 verður fimmtudaginn 5. febrúar n.k. kl. 12 í setustofu heimavistar. Dagskrá ársfundar: 1. Ársreikningur Lundar skólaárið 2024-2025 til kynningar. 2. Skýrsla stjórnar um starfsemi Lundar skólaárið 2024-2025. 3. Önnur mál. Ársfundur Lundar er opinn þeim sem aðild eiga að Heimavist MA og VMA, s.s. íbúum Lundar, foreldrum og forráðamönnum íbúanna, kennurum og starfsmönnum framhaldsskólana á Akureyri auk þeirra starfsmanna sem starfa í húsakynnum Lundar.

Reikningur fyrir húsaleigu og þvottagjaldi

Tue, 06 Jan 2026 15:29:00 +0000

Kæru íbúar og forráðamenn. Vinsamlegast athugið að núna kemur reikningur fyrir þvottahúsgjaldinu mánaðarlega. Það verður keyrt út með húsaleigu um hver mánaðarmót framvegis og er því dreift jafnt á mánuðina, yfir önnina. Síðast kom einn reikningur fyrir alla önnina. Ekki er um neina hækkun að ræða, bara breytt fyrirkomulag á innheimtu.

Heimavistin er lokuð yfir hátíðarnar

Fri, 19 Dec 2025 13:10:00 +0000

Athugið að Heimavistin lokar kl: 12:00 á hádegi laugardaginn 20. desember og verður opnuð á nýju ári sunnudaginn 4. janúar kl: 12:00.

Brautskráning frá Verkmenntaskólanum á Akureyri í dag

Fri, 19 Dec 2025 12:00:00 +0000

Starfsfólk Heimavistar óskar útskriftarnemendum Verkmenntaskólans á Akureyri innilega til hamingju með daginn.

Heim um jólin

Fri, 05 Dec 2025 09:36:00 +0000

Athugið að Heimavistin lokar kl: 12:00 á hádegi laugardaginn 20. desember og verður opnuð á nýju ári sunnudaginn 4. janúar kl: 12:00. Kæru íbúar Áður en þið farið í jólafrí vinsamlegast munið að: Hafa herbergin snyrtileg, þá verður svo gaman að koma aftur Fara með ALLT rusl af herbergjum út í gám Slökkva á rafmagnstækjum og taka úr sambandi – allt nema ísskápinn en athuga hvort þar séu matvæli sem geta skemmst Loka gluggum Stilla ofna á 3 Skrá brottför í móttökunni Með jólakveðju Starfsfólk Heimavistar MA og VMA

Reglur á próftíma taka gildi 5. desember

Mon, 01 Dec 2025 14:48:00 +0000

Næðistími á Heimavistinni hefst 5. desember. - Á próftíma á að vera næði allan sólarhringinn. - Ekki er heimilt að hafa hjá sér gesti nema með sérstöku leyfi starfsmanns. - Ekki eru veitt leyfi fyrir næturgestum meðan á próftíma stendur. - Tónlist og sjónvörp á herbergjum og á setustofu mega alls ekki valda ónæði. - Seta í anddyri og á göngum skal takmörkuð Hafið samband við starfsmann í vaktsíma 899-1602 ef þið verðið fyrir ónæði. Gangi ykkur vel i prófum og verkefnum. Sýnum öll tillitssemi Starfsfólk Heimavistar MA og VMA

Jólahlaðborð Heimavistarráðs miðvikudaginn 3. desember

Wed, 26 Nov 2025 09:38:00 +0000

Jólahlaðborð Heimavistarráðs verður haldið miðvikudagskvöldið 3. desember frá kl. 17.30-19.30. Öllum íbúum heimavistarinnar verður boðið upp á glæsilegan matseðil í skreyttum matsal. Íbúar eru hvattir til að mæta í snyrtilegum klæðnaði enda tilefnið ...

Jólastemmning á setustofunni - fimmtudag kl. 20

Tue, 25 Nov 2025 11:25:00 +0000

Heimavistarráð stendur fyrir jólakvöldi á setustofunni á fimmtudagskvöldið, 27. nóvember kl. 20. Boðið verður upp á að skreyta piparkökur🎄

Uppsagnir á húsaleigusamningum fyrir þá íbúa sem hætta námi um áramót

Mon, 03 Nov 2025 13:33:00 +0000

Athygli er vakin á að uppsögn á húsaleigusamningi við annarskil hjá bæði MA og VMA íbúum er 30. nóvember n.k. Gildir aðeins fyrir þá íbúa sem hætta námi um áramót. Skila þarf skriflegri uppsögn fyrir þann tíma til að komast hjá því að greiða húsaleigu eftir annarskil. Best er að senda tölvupóst. Þeir íbúar sem hætta námi um annarskil vegna ófullnægjandi námsframvindu þurfa að senda skriflega uppsögn í tölvupósti um leið og niðurstaða annarprófa liggur fyrir. Athugið að við þessar aðstæður er uppsagnarfresturinn einn mánuður eftir annarskil. Uppsagnir skal senda á netfangið rosa@heimavist.is

Búið er að opna fyrir umsóknir um Heimavist á vorönn 2026

Mon, 03 Nov 2025 09:04:00 +0000

Minnum á að hægt að sækja um heimavist fyrir vorönn 2026. Sótt er um á heimasíðunni www.heimavist.is og í kjölfarið verður haft samband við umsækjendur. Bendum á að þeir sem eru þegar íbúar hjá okkur þurfa ekki að sækja um. Vinsamlega athugið að sameiginlegt umsóknartímabil framhaldsskóla sem bjóða upp á innritun fyrir nám á vorönn 2026 er dagana 1. nóvember til 1. desember. Eftir það munum við vinna úr umsóknum um Heimavist.