Kristín Elísabet Alansdóttir
| 1) Gælunöfn? Kristín litla og Litla dýr 2) Hvaðan ertu? Vestmannaeyjum 3) Í hvaða skóla ertu? MA 4) Hvað ertu búin að vera lengi á vistinni? Fjórða árið mitt |  |
| 5) Í hvernig herbergi? Á fyrsta og öðru ári á herbergi á nýju vist, í bæði skiptin með rauðhærðum krullhærðum einstaklingum. Þriðja og fjórða árið mitt ein í herbergi 308 á gömlu vistinni 6) Hvora vistina „fílarðu” betur? Gömlu, af því hún er heimilislegri 7) Hverjir eru helstu kostirnir við að búa á vist? Maður er nálægt öllum vinum sínum og manni leiðist aldrei 8) En gallarnir? Hljóðeinangrunin á gömlu vistinni er hræðileg. Maður heyrir ALLT milli herbergja 9) Besti matur sem þú hefur smakkað í mötuneytinu? Blóðmör í jafningi 10) En versti? Þegar þau voru einhvern tímann með hveitiklatta með þurrkuðum baunum ofan á (allaveganna líktist það því mest þó ég hafi ekki áreiðanlegar heimildir fyrir því hvað þetta hafi verið) og ég var eina manneskjan í mötuneytinu fyrir utan þessar þrjár fullorðnu manneskjur sem hafði verið boðið þangað 11) Hver er skemmtilegast næturvörðurinn sem hefur verið síðan þú byrjaðir á vist? Maggi er langbestur, alltaf gott að tala við hann 12) Hefur þú eða þekkir þú einhvern sem hefur gert prakkarastrik á vistinni? Ég veit um heilan helling en mér er minnisstæðast þegar ein ákveðin ung dama kastaði epli ofan af 6. hæð og ég tók það upp á video. Ein vinkona mín þurfti að hlaupa á klósettið svo hún myndi ekki pissa á sig af hlátri og sú sem kastaði eplinu þreif það upp í hláturkasti | |
Guðni Líndal Benediktsson
| 1)Hvaðan ertu? Staðarhúsum í Borgarfirði 2)Í hvaða skóla ertu? MA 3)Hvað ertu búinn að vera lengi á vistinni? Fjórða árið mitt. 4)Í hvernig herbergi? Ég er búin að vera á nýju vistinni öll árin, sunnanmegin í byggingunni |  |
| 5)Nú ertu búinn að vera með sama herbergisfélaganum öll þessi ár, hvernig hefur það gengið? Sambúðin hefur gengið eins og í sögu, hið fullkomna hjónaband. Við erum langlífasta vistarparið eins og er 6)Hverjir eru helstu kostirnir við að búa á vist? Nálægt skólanum og það var allaveganna þannig að allir voru vinir hérna 7)En gallarnir? Það eru öryggisráðstafanirnar, það er svolítið deilt og drottnað í þessu. Fólk kemst upp með að koma fullt inn en svo er tekið óvenju hart á ótrúlegustu hlutum eins og að sjálfráða fólk þarf að sækja um leyfi til að fá næturgest. Mötuneytið og fiskiátakið 8)Besti matur sem þú hefur smakkað í mötuneytinu? Örugglega nautakjöt með bernaisse sósu 9)En versti? Nú þarf að hugsa sig um. Það er náttúrulega svikni hérinn, allur regnboginn mættur í einu kjötstykki 10)Hver er skemmtilegasti næturvörðurinn sem hefur verið síðan þú byrjaðir á vist? Maggi kemur sterkur inn 11)Hefur þú eða þekkir þú einhvern sem hefur gert prakkarastrik á vistinni? Jájá. Við fórum í vatnsslag innan veggja vistarinnar í 1.bekk og drekktum einni stelpunni. Síðan voru tveir gaurar í fyrra sem mökuðu leir á sig og vöktu alla. Svo var reykingaskiltið fjarlægt af einhverjum „óþokkum” í fyrra. Síðan líka þegar öllu draslinu hjá einum var snúið á hvolf þegar hann fór í burtu yfir helgi | |