Það er ljúft líf að búa á heimavist. Hérna er allt til alls.
- Þú þarft ekki að elda.
- Þú þarft ekki að þvo af þér.
- Lítið að þrífa.
- Þú þarft bara að mæta.
Ef viljinn er fyrir hendi þá getur þú kynnst fólki af öllu landinu. Því lengur sem þú ert á heimavist því stærri verður vinahópurinn. Krakkar koma og fara en aðrir dvelja lengur. Flestir eru fyrstu tvö árin og flytja svo út í bæ en þó eru alltaf einhverjir sem eru öll árin sín á heimavist. Ef fólki leiðist þá þarf ekki annað en að fara fram á gang eða banka upp hjá grannanum.
Oft halda vistarkrakkar vel hópinn innan sem utan skóla. Það getur verið ótrúlega þægilegt að vinna hópverkefni í skóla með öðrum vistarbúum, það er svo miklu minna vesen en annars. Þið búið í sama húsi og því tekur allt minni tíma.