Heimavist MA og VMA

Nú eiga allir sem sóttu um heimavist fyrir komandi skólaár 2025-2026 að vera búin að fá svarbréf í tölvupósti.  Tölvupóstur með svörum við umsóknum berst frá netfanginu heimavist@s5.is  Ef að þú færð úthlutað búsetu á heimavist þarf að staðfesta umsóknina með því að greiða kr. 50.000. Greiðsluseðill hefur verið stofnaður í heimabanka eða í heimabanka forráðamanns fyrir þá umsækjendur sem eru ólögráða. Gjaldið er samansett af óendurkræfu staðfestingargjaldi kr. 10.000 og tryggingagjaldi kr. 40.000. Eindagi er 15. júlí og ef greiðsluseðill er ekki greiddur á eindaga er litið svo á að búseta á heimavist hafi verið afþökkuð. Hægt er að senda tölvupóst á heimavist@heimavist.is ef spurningar vakna. 

Leigjandi greiðir tryggingarfé að vori til Lundar sjálfseignarstofnunar. Við lok leigutímans og að lokinni úttekt á húsnæðinu og yfirferð herbergjaþrifa, endurgreiðist tryggingargjaldið svo framarlega sem engar skemmdir hafa orðið á húsum og búnaði, gerð hafa verið skil á leigugreiðslum og prentkostnaði ef einhver er og athugasemdir ekki gerðar við þrif. Tryggingarféð verður endurgreitt í júní.

Nú eru allir íbúar okkar farnir út í sumarið eftir skólaárið. Minnum á að umsóknarfrestur um heimavistina fyrir næsta skólaár er til 10. júní. Sækja þarf um heimavistina á heimasíðunni okkar heimavist.is - það gildir bæði fyrir þau sem eru ný og þau sem hafa verið hjá okkur áður. Takk fyrir veturinn og njótið sumarsins😊 Athugið að ef sótt er um eftir að umsóknarfrestur er liðinn, eftir 10. júní, þá fara þær umsóknir á biðlista og verða afgreiddar síðar.

Íbúar vinsamlegast athugið að síðasti dagur til að fara með óhreinan þvott í þvottahúsið er á mánudaginn, 26. maí. Íbúum sem eru að halda út í sumarið er bent á að fara í þvottahúsið og skila þvottaneti og lykli niðri fyrir framan þvottahúsið og fylla út miða, því þannig er hægt að fá endurgreitt 3.000,- fyrir lykil og 1.000,- fyrir þvottanet. Gott að athuga með óskilamuni í leiðinni og ekki gleyma að tæma skápinn sinn.

Íbúar vinsamlegast athugið. Þau ykkar sem hafa haft í láni hvíta baðskápa á hjólum eru beðin um að skila þeim hreinum og skilja eftir fyrir framan herbergið ykkar við brottför. Takk fyrir 😊

Íbúum sem eru að halda út í sumarið er bent á að fara í þvottahúsið og skila þvottaneti og lykli niðri fyrir framan þvottahúsið og fylla út miða, því þannig er hægt að fá endurgreitt 3.000,- fyrir lykil og 1.000,- fyrir þvottanet. Gott að athuga með óskilamuni í leiðinni og ekki gleyma að tæma skápinn sinn. Óhreinar hlífðardýnur eiga að fara niður í merkta körfu við brottför.

Kæru íbúar ! Nú eru einhverjir íbúar þegar farnir að skila af sér herbergjum og halda út í vorið. Við minnum alla á að þrífa herbergin samviskusamlega og skila þeim eins og þeir tóku við þeim við komuna á stóra heimilið. Áður en þið farið heim, vinsamlegast: • Nálgist gátlista í afgreiðslu vegna herbergisþrifa • Sækið vagn með ræstivörum • Skilið lykli/korti af herbergi • Skilið þvottahúslykli og neti í þvotthús • Hafið alltaf samband við starfsmann við brottför. Óhreinar hlífðardínur, brúsar með þrifaefnum og fægiskófla og kústur (þrifið og hreint) niður á móttöku. Á nýju vist: Þau sem hafa fengið hvíta hjólavagna - skilið þeim hreinum fyrir framan herbergið ykkar. Gangi ykkur vel í prófum/námsmatsverkefnum Starfsfólk Heimavistar MA og VMA

Næðistími á Heimavistinni hefst 8. maí - Á próftíma á að vera næði allan sólarhringinn. - Ekki er heimilt að hafa hjá sér gesti nema með sérstöku leyfi starfsmanns. - Ekki eru veitt leyfi fyrir næturgestum meðan á próftíma stendur. - Tónlist og sjónvörp á herbergjum og á setustofu mega alls ekki valda ónæði. - Seta í anddyri og á göngum skal takmörkuð Hafið samband við starfsmann í vaktsíma 899-1602 ef þið verðið fyrir ónæði. Gangi ykkur vel i prófum og verkefnum. Sýnum öll tillitssemi Starfsfólk Heimavistar MA og VMA