Tölvureglur heimavistar MA og VMA
Notendur fá aðgang að 100 Mb/s nettengingu í gegnum FS-net framhaldsskólanna. Tengihraðanum er deilt niður á þá notendur sem kaupa aðgang og er möguleiki á að hraði hvers notanda verði takmarkaður við ákveðinn hámarkshraða. Aðgangur verður seldur gegn hóflegu gjaldi sem ákveðið er af yfirmönnum heimavistar. Erlent niðurhal verður ekki mælt sérstaklega en fylgst verður með notkun svo hægt verði að sporna við mjög óhóflegu niðurhali. Verði notandi uppvís að niðurhali sem hefur áhrif á aðra notendur er mögulegt að loka á aðgang hans tímabundið verði áminningum ekki sinnt. Fyllstu persónuleyndar verður gætt við meðhöndlun notkunarupplýsinga og verður aðgangur stjórnenda takmarkaður við tilfelli þar sem óleyfilegt athæfi á sér stað. Óleyfilegt er:
- Að veita öðrum aðgang að notandanafni sínu
- Að nota aðgang að neti heimavistar til þess að reyna að komast ólöglega inn á net eða tölvur í eigu annarra
- Að nota á neti heimavistar forrit sem hægt er að nota til innbrota eða annarra skemmdarverka
- Að afrita hugbúnað eða gögn í eigu annarra án leyfis eiganda
- Að vísa á, senda, sækja eða geyma allt ólöglegt efni, þ.m.t. notkun deiliforrita og ólöglegs ofbeldisefnis
- Að misnota netið á þann hátt að það hafi áhrif á notkunarmöguleika annarra.
Að öðru leyti er vísað til notkunarskilmála ISnets og notkunarreglna FS-netsins. Notendur nettengingarinnar skulu kynna sér þessar reglur þar sem þeir eru ábyrgir samkvæmt þeim.
Brot á þessum reglum geta leitt til lokunar á aðgangi að tengingu vistarinnar og sé um mjög alvarlegt og endurtekið brot að ræða - brottvísun af heimavist.