Heimavistarráð stendur fyrir kvöldvöku fimmtudagskvöldið 26. apríl kl. 20. Kvöldvakan er ætluð íbúum heimavistar og verður hún haldin í Kvosinni samkomusal MA. Á kvöldvökunni verður boðið upp á fjölbreytt heimatilbúin skemmtiatriði auk þess sem kosið verður um herra og frú heimavist. Veitingar verða í boði heimavistarráðs. Hvetjum alla íbúa til að missa ekki af skemmtilegri kvöldstund.

Nethraðinn á heimavistinni hefur ekki verið sem skyldi undanfarið, auk þess sem notkunin á vistinni hefur haft áhrif á skólastarf MA, en netið á vistinni fer í gegnum FS net MA. Til að bregðast við þessu verður umferð á netinu takmörkuð til reynslu á skólatíma eða frá kl. 8-16 á virkum dögum. Íbúar eiga sem fyrr að getað notað helstu vafra og sótt tölvupósta.

Í tilefni dagsins þá stendur Heimavistarráð fyrir opnu húsi í dag sumardaginn fyrsta frá kl. 15-16.30. Boðið verður upp á vöfflur og skúffuköku sem fulltrúar í Heimavistarráði sjá um að baka. Fólk er hvatt til að kíkja við á heimavistinni, gæða sér á veitingum og hitta íbúana.

Efnt var á dögunum til samkeppni um merki fyrir Lund sjálfseignarstofnun sem á og rekur Heimavist MA og VMA. Öllum nemendum í MA og VMA var frjálst að taka þátt og var frestur til að skila inn tillögum til 24. mars s.l. Peningaverðlaun fyrir bestu tillöguna voru alls 25.000 krónur og er það Viktor Örn Valdimarsson nemandi í VMA sem hlýtur verðlaunin fyrir sína tillögu. Merkið verður fljótlega til sýnis á heimasíðunni. Við þökkum þeim sem tóku þátt í samkeppninni og óskum Viktori til hamingju.

Heimavistarráð stendur fyrir opnu húsi á Sumardaginn fyrsta frá kl. 15-16.30. Boðið verður upp á vöfflur og skúffuköku sem fulltrúar í Heimavistarráði sjá um að baka. Fólk er hvatt til að kíkja við á heimavistinni, gæða sér á veitingum og hitta íbúana.

Umsóknareyðublað fyrir heimavistina skólaárið 2012-2013 er komið inn á heimasíðuna. Hægt er að senda umsóknina í pósti eða á netfangið rosa@heimavist.is Núverandi íbúar sem ætla að vera á heimavistinni næsta skólaár geta sótt um á netfangið rosa@heimavist.is eða skilað umsókn til Rósu Maríu þjónustustjóra. Umsóknarfrestur er til 8. júní.

Munið að skila þvottalykli í mötuneyti og einnig að taka allann þvott sem þið eigið í þvottahúsi áður en þið farið heim. Gleðiegt sumar og takk fyrir veturinn. Starfsfólk MMA