Næðistími á Heimavistinni í próftíð hefur tekið gildi. - Á próftíma á að vera næði allan sólarhringinn. - Ekki er heimilt að hafa hjá sér gesti nema með sérstöku leyfi starfsmanns. - Ekki eru veitt leyfi fyrir næturgestum meðan á próftíma stendur. - Tónlist og sjónvörp á herbergjum og á setustofu mega alls ekki valda ónæði. - Seta í anddyri og á göngum skal takmörkuð Hafið samband við starfsmann í vaktsíma 899-1602 ef þið verðið fyrir ónæði. Gangi ykkur vel i prófunum Sýnum öll tillitssemi Starfsfólk Heimavistar MA og VMA

Glæsilegt jólahlaðborð Heimavistarráðs framundan. Jólahlaðborð Heimavistarráðs verður haldið miðvikudagskvöldið 4. desember n.k. frá kl. 17.30-19.30 fyrir alla íbúa. Óháð því hvort íbúi er skráður í kvöldmat eða ekki, allir velkomnir. Boðið verður upp á glæsilegan matseðil í skreyttum matsal og við hvetjum íbúa til að mæta í snyrtilegum klæðnaði enda tilefnið hátíðlegt.

Heimavistin er lokuð yfir jól og áramót. Við lokum húsnæðinu kl. 12:00 á hádegi, laugardaginn 21. desember og opnum aftur eftir jólafrí sunnudaginn 5. janúar kl. 12:00.

Athygli er vakin á að uppsögn á húsaleigusamningi við annarskil hjá bæði MA og VMA íbúum er 30. nóvember n.k. Skila þarf skriflegri uppsögn fyrir þann tíma til að komast hjá því að greiða húsaleigu eftir annarskil. Best er að senda tölvupóst. Þeir íbúar sem hætta námi um annarskil vegna ófullnægjandi námsframvindu þurfa að senda skriflega uppsögn í tölvupósti um leið og niðurstaða annarprófa liggur fyrir. Athugið að við þessar aðstæður er uppsagnarfresturinn einn mánuður eftir annarskil. Uppsagnir skal senda á netfangið rosa@heimavist.is

Nú er hægt að sækja um heimavist fyrir vormisseri 2025. Sótt er um á heimasíðunni - Umsókn um heimavist. Í kjölfarið verður haft samband við umsækjendur. Bendum á að þeir sem eru þegar íbúar á heimavistinni þurfa ekki að sækja um.

Í kvöld ætlar heimavistarráð að bjóða upp á bíókvöld á setustofunni. Sýning hefst kl 20:30. Hryllingsmynd verður sýnd í takti við hrekkjavökuna sem er að bresta á 🍂

Í síðustu viku stóð heimavistarráð fyrir ratleik um heimavistina og var þátttaka mjög góð.

Nýtt heimavistarráð fyrir skólaárið 2024-2025 hefur verið skipað og er byrjað að funda.

Ungmennahús er upplýsinga- og menningarmiðstöð fyrir ungt fólk frá 16 ára aldri. Ungmennahús er á 4. hæð í Rósenborg og opnunartíminn er: þriðjudagar og fimmtudagar 17-22. Boðið er upp á innihaldsríka og uppbyggilega starfsemi á sviði menningar, lista, fræðslu og tómstunda. Í Ungmennahúsi eru starfandi ýmsir hópar og klúbbar. Boðið er upp á ráðgjöf og stuðning fyrir ungt fólk um ýmis mál. Við hvetjum íbúa okkar að kynna sér starfsemina sem er í boði í vetur!

Þó nokkuð margir íbúar hafa sýnt áhuga á að starfa í Heimavistarráði í vetur sem er virkilega ánægjulegt. Af því tilefni boðum við alla íbúa Heimavistar að ganga til kosninga þriðjudagskvöldið 17. september frá kl. 20-21. Kosningin fer fram í setustofunni þar sem kjörseðlar verða á staðnum og hvetjum við íbúa til að taka þátt og velja fulltrúa til setu í Heimavistarráðinu. Heimavistarráð er hagsmunaráð íbúa og er skipað sjö heimavistarbúum, þremur fulltrúum úr röðum MA og þremur úr röðum VMA. Sjöundi fulltrúinn er sá sem fær flest atkvæði í kosningu án tillits til skóla.