Rétt er að árétta að borðsímar á herbergjum íbúa eru óvirkir vegna uppsetningar á nýju öflugu neti. Við eigum von á nýjum símtækjum til landsins en það enn nokkur bið í þau.

Heimavistin verður opin fyrir innritun mánudaginn 26. ágúst frá klukkan 13:00 til 20:00 og þriðjudaginn 27. ágúst frá klukkan 08:30 til 18:00. Skólasetning í MA er þriðjudaginn 27. ágúst kl. 9.30.

Hannesína Schewing hjúkrunarfræðingur verður á vaktinni fyrir íbúa heimavistar mánudaga og fimmtudaga frá kl. 16.30-17.30. Bendum foreldrum og forráðamönnum á að hægt er að hringja í hjúkrunarfræðing á viðtalstíma.

Húsaleigusamningar MA íbúa fóru í póst í gær og ættu því að berast íbúum eftir helgina. Reynt var að verða við óskum íbúa um herbergi eins og hægt var.

Heimavistin verður opin fyrir innritun sunnudaginn 18. ágúst frá klukkan 13:00 til 20:00 og mánudaginn 19. ágúst frá klukkan 08:30 til 18:00. Móttaka nýnema í VMA er mánudaginn 19. ágúst og kennsla hefst samkvæmt stundatöflu þriðjudaginn 20. ágúst.

Vaktsíminn hefur lokið sumarfríinu. Svörum í síma 8991602

Húsaleigusamningar VMA íbúa fóru í póst fyrir helgi og ættu því að berast íbúum næstu daga. Reynt var að verða við óskum íbúa um herbergi eins og hægt var.

Það eru laus pláss hjá okkur á heimavistinni næsta skólaár. Hægt er að sækja um hér á heimasíðunni.

Hér eru ýmsar hagnýtar upplýsingar fyrir nýja íbúa sem eru að flyta á heimavistina. Þegar íbúar koma á heimavistina þurfa þeir að hafa með sér: Sæng og kodda. Sængurver, koddaver og lök. Handklæði og rúmteppi ef vill. Körfu eða annað hentugt undir óhreinan þvott. Herðatré. Leirtau, hnífapör og glös/könnur eru ekki til staðar á herbergjum. Hlífðarlök eru til staðar og hægt að fá til skiptanna í anddyri. Íbúar fá tuskur, svampa og þvottaefni til að þrífa herbergi og baðherbergi þar sem það á við. Ryksugur og moppur eru til staðar á hverri hæð fyrir sig. Íbúar geta endurraðað húsgögnum á herbergjum en verða að skilja við þau eins og þau komu að þeim í upphafi. Íbúar geta aðeins hengt upp myndir eða annað á veggi með "kennaratyggjói" til að koma í veg fyrir að málningin skemmist. Íbúar á nýju vist hafa aðgang á herbergjum að örbylgjuofni og litlum ísskáp. Þeir íbúar sem eru á gömlu vist hafa ekki aðgang að ísskáp á herbergjum, en sumir koma með lítin kæliskáp með sér. Íbúar geta fengið að geyma töskur á svokölluðu töskulofti. Þá er aðstaða í kjallara til að geyma skauta, skíði, skíðaklossa o.s.frv.

Við höfum tekið aftur til starfa eftir sumarfrí og byrjuð að undirbúa komu íbúa. Móttaka íbúa Verkmenntaskólans á Akureyri er sunnudaginn 18. ágúst frá klukkan 13:00 til 20:00 og mánudaginn 19. ágúst frá klukkan 08:30 til 18:00. Móttaka nýnema í VMA er 19. ágúst og kennsla hefst samkvæmt stundaskrá þriðjudaginn 20. ágúst. Íbúar ættu að fá samninga og önnur gögn frá okkur í pósti eftir helgina.