Jólahlaðborð Heimavistarráðs verður haldið næstkomandi miðvikudagskvöld, 30. nóvember frá kl. 17.30-19.30. Boðið verður upp á glæsilegan matseðil í skreyttum matsal og við hvetjum íbúa til að mæta í snyrtilegum klæðnaði enda tilefnið hátíðlegt.

Heimavistarráð stendur fyrir jólaföndri á setustofunni þriðjudagskvöldið 29. nóvember kl. 20. Hægt verður að skreyta piparkökur og útbúa ýmiskonar föndur til skreytinga. Allt efni á staðnum og því þurfa íbúar einungis að mæta í jólaskapi

Heimavistinni verður lokað miðvikudaginn 21. desember kl. 12. Opnum aftur eftir áramót miðvikudaginn 4 . janúar kl. 12.

Heimavistin auglýsir eftir íbúum til að aðstoða við þrif o.fl. (ryksuga, fylla á lagera o.s.frv.) nokkra tíma á viku eftir skóla (1-2 klst. í senn). Nánari upplýsingar veitir Rósa Margrét - rosa@heimavist.is

Það var líf og fjör á heimavistinni í dag þegar við fengum um tvö hundruð grunnskólanemendur í heimsókn en hún er hluti af kynningum framhaldsskólana MA og VMA. Nemendur komu úr grunnskólum nágrannasveitafélaga: Hrafnagilsskóla, Dalvíkurskóla, Þelamekurskóla, Grenivíkurskóla, Grunnskólanum á Þórshöfn, Valsársskóla, Reykjahlíð, Þingeyjarskóla, Öxarfjarðarskóla, Húnavallaskóla og Grunnskólanum í Hrísey. Hægt er að sjá myndir á  facebook síðu heimavistarinnar.

Höfum opnað fyrir umsóknir um heimavist fyrir vormisseri 2023. Sótt er um á heimasíðunni www.heimavist.is og í kjölfarið verður haft samband við umsækjendur. Bendum á að þeir sem eru þegar íbúar hjá okkur þurfa ekki að sækja um.