Páskabingó Heimavistarráðs verður á miðvikudaginn, 22. mars. 🐤🐣🐥 Gleði og gaman á setustofunni og veglegir vinningar. Allir íbúar hjartanlega velkomnir!

Senn líður að páskafríi íbúa en í báðum skólunum MA og VMA er síðasti kennsludagur fyrir páska föstudagurinn 31. mars. Heimavistin verður lokuð frá kl. 12 á hádegi laugardaginn 1. apríl.

Ársfundur Lundar 2022 verður mánudaginn 6. mars n.k. kl. 12 í setustofu heimavistar. Dagskrá ársfundar: 1. Ársreikningur Lundar skólaárið 2021/2022 til kynningar. 2. Skýrsla stjórnar um starfsemi Lundar skólaárið 2021/2022. 3. Önnur mál. Ársfundur Lundar er opinn þeim sem aðild eiga að Heimavist MA og VMA, s.s. íbúum Lundar, foreldrum og forráðamönnum íbúanna, kennurum og starfsmönnum framhaldsskólana á Akureyri auk þeirra starfsmanna sem starfa í húsakynnum Lundar. 

Um leið og við óskum ykkur gleðilegs árs þá minnum við á að heimavistin opnar á nýju ári miðvikudaginn 4. janúar kl. 12. Hlökkum til að sjá ykkur

Heimavistin auglýsir eftir íbúum til að aðstoða við þrif o.fl. (ryksuga, fylla á lagera o.s.frv.) nokkra tíma á viku eftir skóla (1-2 klst. í senn). Nánari upplýsingar veitir Rósa Margrét - rosa@heimavist.is Óskum eftir samviskusömum og duglegum íbúum til að aðstoða starfsfólk okkar við að halda Heimavistinni hreinni og snyrtilegri. Starfið felst í því að ryksuga ganga og önnur létt þrif.

Lyftan á nýju vist verður óvirk dagana 11.-16. nóvember nk. vegna viðhalds og viðgerða.

Nokkuð er um að ómerktur fatnaður hafi verið settur í þvott og því ekki hægt að koma til skila í þvottaskápana. Minnum íbúa á að vera duglegir við að merkja allan þvott hjá sér svo hann rati aftur til eigenda sinna. Hægt er að merkja þvottinn hjá starfsmönnum í þvottahúsinu. Munið líka að flokka þvottinn í viðeigandi þvottahólf 🙂