Höfum opnað fyrir umsóknir næsta skólaár 2022-2023. Umsóknarfrestur er til 10. júní. Sótt er um hér á heimasíðunni.

Spilakvöld verður fyrir íbúa miðvikudaginn 16. mars frá kl. 19-22 í setustofunni. Boðið verður upp á snakk og gos. Hlökkum til að sjá ykkur !

Í dag frumsýnir leikfélag MA söngleikinn Heathers í Hofi. Um 60 nemendur koma að sýningunni. Næstu sýningar verða 12 og 13. mars og svo 17. og 18. mars. Miðasala er á mak.is

Leikfélag VMA frumsýnir laugardaginn 5. mars kl. 15 leikverkið Lísu í Undralandi. Fjölmargir nemendur taka þátt í uppsetningunni og er leikstjóri Sindri Swan. Miðasala er í fullum gangi en fjórar sýningar verða í boði. Nánari upplýsingar eru á heimasíðu VMA.

Morfís lið MA er á sigurbraut í MORFÍs, Mælsku- og rökræðukeppni framhaldsskólanna en þar eigum við fulltrúa af heimavistinni. Liðið hafði betur gegn FG, Fjölbrautaskólanum í Garðabæ í 16-liða úrslitum.  

Ársfundur Lundar 2021 verður miðvikudaginn 23. febrúar n.k. kl. 16 í setustofu heimavistar. Dagskrá ársfundar: 1. Ársreikningur Lundar skólaárið 2020/2021 til kynningar. 2. Skýrsla stjórnar um starfsemi Lundar skólaárið 2020/2021. 3. Önnur mál. Ársfundur Lundar er opinn þeim sem aðild eiga að Heimavist MA og VMA, s.s. íbúum Lundar, foreldrum og forráðamönnum íbúanna, kennurum og starfsmönnum framhaldsskólana á Akureyri auk þeirra starfsmanna sem starfa í húsakynnum Lundar.

Þar átti Heimavistin marga flotta fulltrúa og þar á meðal voru tveir þeirra í úrslitum, annars vegar sigurvegari kvöldsins og þriðja sætið. Óskum við þeim öllum innilega til hamingju !

Jöfnunarstyrkur (áður dreifbýlisstyrkur) er námsstyrkur fyrir nemendur sem stunda nám á framhaldsskólastigi fjarri lögheimili og fjölskyldu. Frekari upplýsingar og umsóknir á heimasíðu Menntasjóðs- https://menntasjodur.is/

Íbúar eru minntir á herbergjaskoðun deginum áður með auglýsingu á ganginum. Minnum íbúa á að eftirlit með þrifum á herbergjum er hluti af reglum á stóra heimilinu. Á hverjum gangi er búið að setja inn í s.k. skol; ryksugu, moppu o.s.frv. Munið að spritta fyrir og eftir notkun með sóttvarnarspritti og þurrkum sem eru einnig til staðar. Gangi ykkur vel

Bendum á að þeir íbúar sem vilja breyta áskriftinni í mötuneytinu þurfa að senda inn nýja umsókn. Umsóknareyðublað er hér á heimasíðu Heimavistar MA og VMA - https://www.heimavist.is/motuneyti/umsokn-um-motuneyti