Þrátt fyrir hertar takmarkanir vegna COVID verða litlar breytingar hjá okkur vegna þess hve vel íbúar standa sig í að passa upp á sóttvarnir. Vonumst til að það haldi áfram þannig að við getum haldið starfseminni að mestu óbreyttri þannig að við þurfum ekki að herða þær. Grímuskylda er áfram utan síns herbergis og við pössum upp á hópamyndun. Þá er rétt að minna á að persónulegar sóttvarnir eru mikilvægar. Höldum áfram að tilkynna ef íbúar eru veikir og/eða á leið í covidtest.

Í gærkvöldi var bæði haldin söngkeppni í VMA og tónlistarkeppni í MA þar sem heimavistin átti nokkra fulltrúa sem stóðu sig frábærlega. Við óskum þeim og öðrum þátttakendum innilega til hamingju !

Minnum á mikilvægi þess að íbúar og/eða forráðamaður láti starfsmann á vakt vita ef íbúi er lasinn og/eða á leið í sýnatöku. Hægt er að hringja í vaktina: 899 1602 eða senda póst á heimavist@heimavist.is Mikilvægt er að við hjálpumst að við að forðast smit. Munum grímunotkun utan herbergis og að við sinnum persónulegum sóttvörnum.

Nú þurfa allir íbúar að vera með grímu á heimavistinni utan síns herbergis. Minnum einnig á aðrar persónulegar varnir eins og sprittnotkun og að virða fjarlægðarmörk.

Geðlestin leggur af stað í hringferð um landið í dag til þess að fræða og ræða við ungt fólk um geðheilsu. Er þetta sam­starfs­verk­efni Geðhjálp­ar og Hjálp­arsíma Rauða kross­ins 1717 sem ætlað er að vekja at­hygli á mik­il­vægi geðheilsu og vernd­andi þátt­um henn­ar. Á heimasíðu geðlestarinnar má finna hin ýmsu verk­færi til geðfræðslu.

Sigga Dögg kynfræðingur verður með fyrirlestur fyrir nemendur VMA og MA í Gryfjunni í VMA kl. 17:00 í dag.

Minnum á að Hannesína Schewing hjúkrunarfræðingur verður á vaktinni fyrir íbúa heimavistar í dag frá kl. 16.00-17.00. Bendum foreldrum og forráðamönnum á að hægt er að hringja í hjúkrunarfræðing á viðtalstíma í síma 455 1611.

Minnum á að umsóknarfrestur um jöfnunarstyrk/dvalarstyrk fyrir haustönn rennur út 15. október.

Minnum íbúa og forráðamenn á að láta vita ef íbúi er lasinn. Ætlast er til að íbúar fari í Covid sýnatöku í gegnum heilsugæsluna ef þeir verða varir við einkenni, Mikilvægt er að tilkynna síðan starfsmanni heimavistar um niðurstöður.

Skólaball verður haldið í Verkmenntaskólanum á Akureyri n.k. fimmtudagskvöld og er það fyrsta ball sem haldið hefur verið í langan tíma vegna aðstæðna. Minnum á að ballgestir þurfa að framvísa neikvæðu covid hraðprófi. Góða skemmtun