Próftími hefst laugardaginn 9. desember. Á próftíma á að vera næði allan sólarhringinn. Ekki er heimilt að hafa hjá sér gesti nema með sérstöku leyfi starfsmanns. Ekki eru veitt leyfi fyrir næturgestum meðan á próftíma stendur. Tónlist og sjónvörp á herbergjum og á setustofu mega ekki valda ónæði. Hafið samband við starfsmann í vaktsíma 8991602 ef þið verðið fyrir ónæði. Gangi ykkur vel í prófunum. Munum að sýna hvort öðru tillitssemi. Starfsfólk Heimavistar MA og VMA

Heimavistarráð stendur fyrir viðburði á setustofunni annað kvöld, miðvikudagskvöldið 29. nóvember kl. 20-22. Hvetjum íbúa til að mæta og eiga notalega kvöldstund.

Heimavistinni verður lokað fimmtudaginn 21. desember kl. 12. Opnum aftur á nýju ári miðvikudaginn 3 . janúar kl. 12.

Opið þriðjudaga og fimmtudaga frá kl. 17:00-22:00.

Uppsagnir á húsaleigusamningum fyrir þá íbúa sem hætta námi. Athygli er vakin á að uppsögn á húsaleigusamningi við annarskil hjá bæði MA og VMA íbúum er 30. nóvember n.k.

Heimavistarráð skólaársins 2023-2024 skipa sem hér segir - talið frá vinstri: Konráð Guðlaugsson, Hlynur Freyr Ragnarsson, Þórdís Kristín O'Connor, Jasmín Hall Valdimarsdóttir, Birkir Leví Kristinsson, Ragnhildur Sóley Jónasdóttir og María Björg Sigurðardóttir. Hlökkum til að starfa með þessu unga fólki og fylgjast með félagslífinu í vetur

Fjölmargir íbúar hafa sýnt áhuga á að starfa í Heimavistarráði í vetur sem er virkilega ánægjulegt. Af því tilefni boðum við alla íbúa Heimavistar að ganga til kosninga miðvikudagskvöldið 27. september frá kl. 20-21. Kosningin fer fram í setustofunni þar sem kjörseðlar verða á staðnum og hvetjum við íbúa til að taka þátt og velja fulltrúa til setu í Heimavistarráðinu. Heimavistarráð er hagsmunaráð íbúa og er skipað sjö heimavistarbúum, þremur fulltrúum úr röðum MA og þremur úr röðum VMA. Sjöundi fulltrúinn er sá sem fær flest atkvæði í kosningu án tillits til skóla.

Framboð til Heimavistarráðs 2023-2024 Íbúar geta nú boðið sig fram til setu í heimavistarráði en heimavistarráð er hagsmunaráð íbúa og stendur fyrir ýmsum viðburðum og uppákomum fyrir íbúa yfir skólaárið. Hvetjum alla áhugasama til að að taka þátt og missa ekki af þessu tækifæri 🙂

Á næstu dögum verður rýmiæfing á heimavistinni í samtarfi við starfsmenn frá Eldvarnaeftirliti Slökkviliðs Akureyrar. Við höldum rýmiæfingu reglulega til að vera eins vel undirbúin og hægt er ef til þess kemur að rýma þurfi húsnæðið vegna raunverulegs bruna. Hvetjum alla íbúa að taka þátt!