Kæru íbúar og forráðafólk. Við bendum á að mikilvægt er að hlaða niður húsaleigusamningnum af signet.is og eiga hann tiltækan í tölvu á pdf formi. Þannig getið þið sótt um húsnæðisbætur. Ólögráða íbúar / forráðamenn íbúa sækja um hjá sínu sveitarfélagi, þar sem viðkomandi hefur lögheimili. Þeir íbúar sem hafa náð 18 ára aldri þurfa að sækja um húsnæðisbætur í gegnum HMS. Athugið að ef viðkomandi nær 18 ára aldri yfir skólaárið þarf að sækja um í afmælismánuði.

Hjúkrunarfræðingur í MA Auður Karen Gunnlaugsdóttir er hjúkrunarfræðingur MA og er með viðtalsherbergi í Gamla skóla. Auður er með viðtalstíma á þriðjudögum frá kl. 8-16 og á fimmtudögum frá kl. 8-12. Viðtalstímar hjá hjúkrunarfræðingi eru bókaðir á heimasíðu skólans. Einnig er velkomið að senda fyrirspurn á audur@ma.is Hjúkrunarfræðingur í VMA Ingibjörg Ingólfsdóttir er hjúkrunarfræðingur VMA og er með viðtalsherbergi í C-álmu (við hliðina á C09). Ingibjörg er með viðtalstíma á þriðjudögum frá kl. 8-16 og á miðvikudögum frá kl. 12-16. Viðtalstímar hjá hjúkrunarfræðingi eru bókaðir á heimasíðu skólans. Einnig er velkomið að senda fyrirspurn á ingibjorg.osp.ingolfsdottir@vma.is.

Þeir íbúar á nýju vist sem vilja fá litla hjólaskápa til að hafa undir smádót á baðherberginu þurfa að skrá sig í afgreiðslu. Skáparnir verða settir fyrir framan herbergin í næstu viku.

Gangafundir fyrir íbúa á Heimavist MA og VMA verða þriðjudaginn 27. ágúst. Næsta þriðjudag ætlar starfsfólk heimavistar, hjúkrunarfræðingar MA og VMA og fulltrúar sem sátu í heimavistarráði síðasta skólaár að hitta íbúa og spjalla og eiga góða stund saman. Það er skyldumæting á fundina og íbúar sem ekki sjá sér fært að mæta á tilgreindum tíma miðað við búsetu þurfa að láta starfsmann vita. Þeir íbúar fá úthlutað öðrum tíma. Allir gangafundir verða á setustofunni sem er staðsett á gömlu vistinni: Allir íbúar á 1. hæð kl. 16:30 Allir íbúar á 2. hæð kl. 17:00 Allir nýjir íbúar á 3. 4. og 5. hæð og allir nýjir íbúar á gömlu vist kl. 17:30. Allir eldri íbúar á nýju vist og gömlu vist kl. 18:00. Hlökkum til að funda með ykkur Starfsfólk Heimavistar MA og VMA

Hér eru ýmsar hagnýtar upplýsingar fyrir nýja íbúa sem eru að flyta á heimavistina. Þegar íbúar koma á heimavistina þurfa þeir að hafa með sér: Sæng og kodda. Sængurver, koddaver og lök. Handklæði. Rúmteppi ef vill. Körfu eða annað hentugt undir óhreinan þvott. Herðatré. Leirtau, hnífapör og glös/könnur eru ekki til staðar á herbergjum. Hlífðarlök eru til staðar og hægt að fá til skiptanna í anddyri. Athugið að hlífðarlak þarf að vera á rúmdýnu og einnig lak frá íbúa. Íbúar fá þvottanet með tuskum og svampi. Íbúar fá þvottaefni til að þrífa herbergi og baðherbergi þar sem það á við. Ryksugur og moppur eru til staðar á hverri hæð fyrir sig. Aðeins má hengja upp myndir eða annað á veggi með "kennaratyggjói" til að koma í veg fyrir að málningin skemmist. Bendum á að ekki er hægt að hengja upp ledborða. Íbúar geta endurraðað húsgögnum en ekki er leyfilegt að leggja húsgögn á hliðina vegna hættu á skemmdum á gólfefni. Íbúar á nýju vist hafa aðgang á herbergjum að örbylgjuofni og litlum ísskáp. Þeir íbúar sem eru á gömlu vist hafa ekki aðgang að ísskáp á herbergjum, en sumir koma með lítin kæliskáp með sér. Íbúar geta fengið að geyma töskur á svokölluðu töskulofti. Þá er læst aðstaða í kjallara til að geyma skauta, skíði, skíðaklossa, hjól o.s.frv.

Móttaka íbúa MA er þriðjudaginn 20. ágúst frá klukkan 13:00 til 18:00 og miðvikudaginn 21. ágúst frá klukkan 08:30 til 17:00. Skólasetning í MA miðvikudaginn 21. ágúst. Húsaleigusamningar og önnur gögn verða send rafrænt út um miðja viku.

Móttaka íbúa VMA er sunnudaginn 18. ágúst frá klukkan 13:00 til 18:00 og mánudaginn 19. ágúst frá klukkan 08:30 til 17:00. Á mánudag er gert ráð fyrir að allir nýnemar mæti í skólann. Kennsla hefst í VMA samkvæmt stundaskrá þriðjudaginn 20. ágúst. Húsaleigusamningar og önnur gögn verða send rafrænt út um miðja viku.

Skrifstofur Heimavistar MA og VMA eru lokaðar vegna sumarleyfa starfsmanna. Opnum aftur þriðjudaginn 6. ágúst.

Umsækjendur eiga þegar að hafa fengið svör við umsóknum. Þeir sem sóttu um eftir að umsóknarfrestur var liðinn fá svör í byrjun ágúst eftir sumarleyfi. Það er enn opið fyrir umsóknir næsta vetur. Greiðsluseðlar/kröfur vegna staðfestingar- og tryggingargjalds verða stofnaðir/-ar á kennitölu íbúa eða forráðamanna (ólögráða íbúa) í innheimtukerfi Arion banka. Eindagi staðfestingar- og tryggingargjalds er 15. júlí. Ef krafa er ekki greidd á eindaga er gert ráð fyrir að viðkomandi hafi hætt við búsetu á vistinni. Raðað verður niður á herbergi fyrstu dagana í ágúst. Ef koma þarf á framfæri breytingum vegna umsóknar þá verða þær að berast fyrir 1. ágúst á netfangið rosa@heimavist.is. Athugið að reynt verður að verða við óskum eins og hægt er. Leigusamningar og önnur gögn verða send út rafrænt viku fyrir upphaf skóla. Staðfestingar- og tryggingargjald fæst ekki endurgreitt ef hætt er við komuna á heimavistina. Bendum á að allir íbúar þurfa að skrá sig í mötuneytið og fer skráning fram hér á heimasíðunni undir Mötuneyti og þvottahús.

Brautskráning verður frá Menntaskólanum á Akureyri í ÍÞróttahöllinni og hefst athöfnin kl. 10:00. Starfsfólk heimavistar óskar útskriftarnemendum Menntaskólans á Akureyri innilega til hamingju með daginn .