Kosning til Heimavistarráðs verður á miðvikudaginn næstkomandi, 24. september. Allir íbúar geta kosið einu sinni. Kosning fer fram í anddyri kl 19:30-21:00 á miðvikudagskvöld. Í framboði til heimavistarráðs skólaárið 2025-2026 eru: Ari Ingvarsson Ágústa Arnþórsdóttir Ágústa Sigurrós Eyjólfsdóttir Baldvin Barri Guðmundsson Brynja Hlín Björgvinsdóttir Bæring Nói Dagsson Dagnýr Atli Rúnarsson Eyjólfur Ágúst Hjörleifsson Flóki Jónsson Freyr Þorsteinsson Jón Sigþór Sveinbjörnsson Kristjana Bríet Jónsdóttir Máni Franz Jóhannsson Nanna María Ragnarsdóttir Rebekka Rán Bogadóttir Sædís Ósk Pálmadóttir Steingrímur Árni Jónsson Sævar Emil Ragnarsson Tómas Orri Harðarson

Hefur þú það sem til þarf? Það er komið að því. Nú er opið fyrir tilnefningar í heimavistarráð. Ef þú hefur brennandi áhuga á velferð allra lifandi sálna innan veggja þessarar blessuðu heimavistar þá er ráðið staður fyrir þig. Kosningarnar verða svo auglýstar síðar. Hvernig ber ég mig að? -Fyrsta skref er að finna kjörkassann í afgreiðslu -Ritaðu nafn þitt á miða ásamt herbergisnúmeri -Bombaðu miðanum í kjörkassann -Voila, þú ert kominn í pottinn

Mjög mikilvægt er að merkja þvottinn sinn vel - og það gæti þurft að skrifa ofan í það sem merkt var í fyrra vetur svo fatnaðurinn komist í rétt hólf. Nokkuð er um að ómerktur eða illa merktur fatnaður hafi verið settur í þvott og því ekki hægt að koma til skila í þvottaskápana. Hægt er að merkja þvottinn hjá starfsmönnum í þvottahúsinu.

Allir gangafundir verða á hverjum gangi / hæð fyrir sig á Nýju vist: Allir íbúar á 1. hæð kl. 16:30 Allir íbúar á 2. hæð kl. 16:45 Allir íbúar á 3. hæð kl. 17:00 Allir íbúar á 4. hæð kl. 17:15 Allir íbúar á 5. og 6. hæð kl. 17:30 Allir íbúar á Gömlu vist koma saman á Setustofunni. Nýjir íbúar á Gömlu vist kl. 17:45 Eldri íbúar á gömlu vist kl.18:15 Skyldumæting og nafnakall Þau sem ekki komast á tilteknum tíma þurfa að láta þjónustustjóra vita á netfangið rosa@heimavist.is Hlökkum til að funda með ykkur 😊 Starfsfólk Heimavistar MA og VMA

Móttaka íbúa verður helgina 16.-17. ágúst sem hér segir: Móttaka nýnema og þeirra sem hafa ekki verið hjá okkur áður er laugardaginn 16. ágúst kl. 12-16 og sunnudaginn 17. ágúst frá kl. 12-16 og mánudaginn 18. ágúst frá kl. 10-16. Móttaka íbúa sem hafa verið hjá okkur áður er laugardaginn 16. ágúst kl. 12-20 og sunnudaginn 18. ágúst frá kl. 12-20 og mánudaginn 18. ágúst frá klukkan 10-20. Vinsamlegast virðið þessar tímasetningar svo skipulagið gangi sem best fyrir sig. Húsaleigusamningar verða sendir út rafrænt á næstu dögum og bæði forráðamaður (ef íbúi er ólögráða) og íbúi þurfa að skrifa undir hann inni á signet.is áður en herbergi fæst afhent.

Búið er að svara öllum umsóknum um pláss á Heimavistinni. Þær umsóknir sem bárust okkur á meðan á sumarleyfi stóð fóru sjálfkrafa í stöðuna synjað þar sem búið var að fylla hvert rými fyrir sumarfrí. Húsaleigusamningar verða sendir út rafrænt í næstu viku og einnig þvottanúmer til þeirra íbúa sem ekki hafa verið á heimavistinni áður. Þau sem hafa verið áður hjá okkur halda sínum þvottanúmerum. Móttaka íbúa verður helgina 16.-17. ágúst en nánari tímasetning verður tilkynnt síðar.

Nú eiga allir sem sóttu um heimavist fyrir komandi skólaár 2025-2026 að vera búin að fá svarbréf í tölvupósti.  Tölvupóstur með svörum við umsóknum berst frá netfanginu heimavist@s5.is  Ef að þú færð úthlutað búsetu á heimavist þarf að staðfesta umsóknina með því að greiða kr. 50.000. Greiðsluseðill hefur verið stofnaður í heimabanka eða í heimabanka forráðamanns fyrir þá umsækjendur sem eru ólögráða. Gjaldið er samansett af óendurkræfu staðfestingargjaldi kr. 10.000 og tryggingagjaldi kr. 40.000. Eindagi er 15. júlí og ef greiðsluseðill er ekki greiddur á eindaga er litið svo á að búseta á heimavist hafi verið afþökkuð. Hægt er að senda tölvupóst á heimavist@heimavist.is ef spurningar vakna. 

Leigjandi greiðir tryggingarfé að vori til Lundar sjálfseignarstofnunar. Við lok leigutímans og að lokinni úttekt á húsnæðinu og yfirferð herbergjaþrifa, endurgreiðist tryggingargjaldið svo framarlega sem engar skemmdir hafa orðið á húsum og búnaði, gerð hafa verið skil á leigugreiðslum og prentkostnaði ef einhver er og athugasemdir ekki gerðar við þrif. Tryggingarféð verður endurgreitt í júní.

Nú eru allir íbúar okkar farnir út í sumarið eftir skólaárið. Minnum á að umsóknarfrestur um heimavistina fyrir næsta skólaár er til 10. júní. Sækja þarf um heimavistina á heimasíðunni okkar heimavist.is - það gildir bæði fyrir þau sem eru ný og þau sem hafa verið hjá okkur áður. Takk fyrir veturinn og njótið sumarsins😊 Athugið að ef sótt er um eftir að umsóknarfrestur er liðinn, eftir 10. júní, þá fara þær umsóknir á biðlista og verða afgreiddar síðar.