Öllum íbúum heimavistar stendur til boða aðstaða til að æfa á hljóðfæri í húsnæði Menntaskólans á Akureyri. Í stofu G22 er píanó og á miðsal skólans er flygill. Stofur G1 og G21 eru ætlaðar fyrir önnur hljóðfæri. Nemendur skrá sig á stundatöflur sem hanga á korktöflu á s.k. langa gangi í Gamla skóla. Hægt er að hafa samband við húsvörð ef eitthvað er óljóst.

Nú er próftími á Heimavist MA og VMA. Á próftíma eru allir tillitssamir og ganga hljóðlega um. Engar gestakomur eru leyfðar nema með leyfi vaktmanns. Næturgestir eru ekki leyfðir á próftíma.

Minnum íbúa á að endurnýja þarf umsókn um húsaleigubætur á nýju ári. Umsókninni þarf að fylgja staðfesting á skólavist.

Ný heimasíða Heimavistar MA og VMA hefur verið opnuð. Markmiðið er að heimasíðan verði lifandi, fróðleg og skemmtileg og eru nemendur og foreldrar hvattir til að taka þátt í mótun hennar. Enn er verið að vinna í nokkrum hlutum síðunnar en það er von okkar að með samstilltu átaki takist að ljúka gerð hennar á næstunni. Hægt er að senda ábendingar á netfangið heimavist@heimavist.is.