Það eru laus pláss hjá okkur á heimavistinni næsta skólaár. Hægt er að sækja um hér á heimasíðunni.

Staða næturvarðar við Heimavist MA og VMA á Akureyri er laus til umsóknar Við leitum að einstaklingi til að slást í góðan hóp starfsmanna sem mun sinna næturvörslu og öryggisvörslu og öðrum þeim verkefnum sem til falla. Viðkomandi þarf að hafa mikla þjónstulund og samskiptahæfni og hafa gaman af að starfa með ungmennum. Gerð er krafa um hreint sakarvottorð. Um fullt starfshlutfall er að ræða og vinnur viðkomandi aðra hverja viku. Laun eru samkvæmt stofnansamningi við Einingu Iðju. Viðkomandi þarf að geta hafið störf sem fyrst. Skriflegar umsóknir þurfa að berast fyrir 10. ágúst n.k. á netfangið thora@heimavist.is. Öllum umsóknum verður svarað. Nánari upplýsingar veitir framkvæmdastjóri Þóra R. Stefánsdóttir thora@heimavist.is eða í síma 455 1605.

Skrifstofur heimavistar verða lokaðar frá 24. júní vegna sumarleyfa starfsmanna. Skrifstofur verða opnaðar aftur þriðjudaginn 4. ágúst.

Hér koma svör við helstu spurningum fyrir umsækjendur heimavistar skólaárið 2019-2020: Svör við umsóknum fóru í póst 18. júní. Það er enn opið fyrir umsóknir næsta vetur. Umsækjendur sem sækja um eftir 18. júní fá staðfestingu í ágúst eftir sumarleyfi. Greiðsluseðlar/kröfur vegna staðfestingar- og tryggingargjalds verða stofnaðir/-ar á kennitölu íbúa eða forráðamanna (ólögráða íbúa) í innheimtukerfi Arion banka. Eindagi staðfestingar- og tryggingargjalds er 12. júlí. Ef krafa er ekki greidd á eindaga er gert ráð fyrir að viðkomandi hafi hætt við búsetu á vistinni. Raðað verður niður á herbergi fyrstu dagana í ágúst. Breytingar á umsókn s.s. varðandi tegund af herbergi eða herbergisfélaga verða að hafa borist fyrir 1. ágúst á netfangið rosa@heimavist.is Leigusamningar og önnur gögn verða sendir í pósti viku fyrir upphaf skóla. Gengið er frá skráningu í mötuneyti við komuna á heimavistina. Staðfestingar- og tryggingargjald fæst ekki endurgreitt ef hætt er við komuna á heimavistina.

Starfsfólk heimavistar óskar útskriftarnemendum Menntaskólans á Akureyri innilega til hamingju með daginn.

Þó að umsóknarfrestur fyrir næsta skólaár sé liðinn þá eru enn laus pláss. Hægt er að sækja um hér á heimasíðunni.

Opið fyrir umsóknir um heimavist fyrir skólaárið 2019 - 2020. Umsóknarfrestur er til 7. júní n.k. Sótt er um hér á heimasíðunni.

Starfsfólk heimavistar óskar útskriftarnemendum Verkmenntaskólans á Akureyri innilega til hamingju með daginn.

Opið fyrir umsóknir um heimavist fyrir skólaárið 2019 - 2020. Umsóknarfrestur er til 7. júní n.k. Sótt er um hér á heimasíðunni.

Nú er próftími á heimavistinni en þá gilda gilda ákveðnar reglur sem við biðjum alla að virða: • Á próftíma á að vera næði allan sólarhringinn. • Ekki er heimilt að hafa hjá sér gesti nema með sérstöku leyfi starfsmanns. • Ekki eru veitt leyfi fyrir næturgestum meðan á próftíma stendur. • Morgunmatur er virka daga frá kl. 7:15 – 9:15 og um helgar kl. 10:00 – 13:00. Drykkur er alla daga kl. 15:00 - 16:30, einnig um helgar. • Tónlist og sjónvarp á herbergjum og á setustofu má alls ekki valda ónæði. • Seta í anddyri og á göngum á að vera takmörkuð. • Bendum íbúum á að hafa samband við starfsmann á vakt í síma 1602 (úr borðsíma) ef þið verðið fyrir ónæði. Gangi ykkur vel i prófunum og sýnum öll tillitssemi!