Móttaka íbúa VMA verður þriðjudaginn 18. og miðvikudaginn 19. ágúst n.k. Vegna þeirra sérstæku aðstæðna sem við stöndum frammi fyrir vegna COVID verður móttöku íbúa skipt upp. Þriðjudaginn 18. ágúst tökum við á móti nýnemum (fæddir 2004 og 2005) og eldri íbúum sem ekki hafa verið áður á heimavistinni. Nánara skipulag sent út fljótlega. Miðvikudaginn 19. ágúst tökum við á móti þeim íbúum sem hafa verið áður á heimavistinni. Nánara skipulag sent út fljótlega. Biðjum íbúa og forráðamenn að fylgjast með!

Móttöku íbúa VMA verður seinkað frá áður auglýstum tíma. Það verður því ekki opið fyrir innritun sunnudaginn 16. ágúst og mánudaginn 17. ágúst n.k. eins og gert var ráð fyrir. Við nýtum tímann til að undirbúa stóra heimilið þannig að reglum og samkomutakmörkunum verði sem best mætt. Ný tímasetning vegna móttöku sem og aðrar upplýsingar ættu að berast á morgun fimmtudag.

Hvetjum íbúa og forráðamenn til að fylgjast með tilkynningum hér á heimasíðunni og á facebook. Núverandi takmarkanir eru í gildi til 13. ágúst n.k.

Þegar íbúar koma á heimavistina þurfa þeir að hafa með sér: Sæng og kodda. Sængurver, koddaver og lök. Handklæði og rúmteppi ef vill. Körfu eða annað hentugt undir óhreinan þvott. Herðatré. Leirtau, hnífapör og glös/könnur eru ekki til staðar á herbergjum. Hlífðarlök eru til staðar og hægt að fá til skiptanna í anddyri. Íbúar fá tuskur, svampa og þvottaefni til að þrífa herbergi og baðherbergi þar sem það á við. Ryksugur og moppur eru til staðar á hverri hæð fyrir sig. Íbúar geta endurraðað húsgögnum á herbergjum en verða að skilja við þau eins og þau komu að þeim í upphafi. Mikilvægt er að passa upp á að skemma ekki gólfefni og húsgögn við flutningana. Íbúar geta aðeins hengt upp myndir eða annað á veggi með "kennaratyggjói" til að koma í veg fyrir að málningin skemmist. Íbúar á nýju vist hafa aðgang á herbergjum að örbylgjuofni og litlum ísskáp. Þeir íbúar sem eru á gömlu vist hafa ekki aðgang að ísskáp á herbergjum, en sumir koma með lítin kæliskáp með sér. Íbúar geta fengið að geyma töskur á svokölluðu töskulofti. Þá er aðstaða í kjallara til að geyma skauta, skíði, skíðaklossa o.s.frv.

Þvottanúmer fyrir nýnema og aðrar upplýsingar frá mötuneytinu fylgja með í umslaginu frá heimavistinni.

Húsaleigusamningar VMA íbúa fóru í póst í dag og ættu því að berast íbúum í næstu viku. Reynt var að verða við óskum íbúa um herbergi eins og hægt var.

Skrifstofur heimavistar verða lokaðar frá 24. júní vegna sumarleyfa starfsmanna. Skrifstofur verða opnaðar aftur þriðjudaginn 4. ágúst.

Svör við umsóknum fóru í póst 22. júní. Það er enn opið fyrir umsóknir næsta vetur. Umsækjendur sem sækja um eftir 22. júní fá staðfestingu í ágúst eftir sumarleyfi. Greiðsluseðlar/kröfur vegna staðfestingar- og tryggingargjalds verða stofnaðir/-ar á kennitölu íbúa eða forráðamanna (ólögráða íbúa) í innheimtukerfi Arion banka. Eindagi staðfestingar- og tryggingargjalds er 15. júlí. Ef krafa er ekki greidd á eindaga er gert ráð fyrir að viðkomandi hafi hætt við búsetu á vistinni. Raðað verður niður á herbergi fyrstu dagana í ágúst. Breytingar á umsókn s.s. varðandi tegund af herbergi eða herbergisfélaga verða að hafa borist fyrir 1. ágúst á netfangið rosa@heimavist.is Leigusamningar og önnur gögn verða sendir í pósti viku fyrir upphaf skóla. Gengið er frá skráningu í mötuneyti við komuna á heimavistina. Staðfestingar- og tryggingargjald fæst ekki endurgreitt ef hætt er við komuna á heimavistina.

Þó að umsóknarfrestur fyrir næsta skólaár sé liðinn þá eru enn laus pláss. Hægt er að sækja um hér á heimasíðunni.

Starfsfólk heimavistar óskar útskriftarnemendum Menntaskólans á Akureyri innilega til hamingju með daginn.