Minnum íbúa á að hægt er að sækja hreinar hlífðardýnur í afgreiðsluna hjá starfsmanni. Mikilvægt er að hafa hlífðardýnur til að verja dýnurnar.

Efnt er til samkeppni um merki (lógó) fyrir Lund sjálfseignarstofnun sem á og rekur Heimavist MA og VMA. Öllum nemendum í MA og VMA er frjálst að taka þátt í samkeppninni og er frestur til að skila inn tillögum til 24. mars nk.

Nemendur í 9. og 10. bekk frá Blönduósi, Húnavöllum og Skagaströnd komu í kynnisferð á heimavistina fimmtudaginn 2. febrúar s.l. Heimsóknin var í tengslum við kynningu þeirra á MA og VMA. Nemendur fengu stutta kynningu á heimavistinni um leið og þau gæddu sér á skúffuköku. Íbúar heimavistar sýndu þeim síðan húsakynnin. Hér má sjá mynd af hluta af nemendum í anddyri heimavistar.

Öllum íbúum heimavistar stendur til boða aðstaða til að æfa á hljóðfæri í húsnæði Menntaskólans á Akureyri. Í stofu G22 er píanó og á miðsal skólans er flygill. Stofur G1 og G21 eru ætlaðar fyrir önnur hljóðfæri. Nemendur skrá sig á stundatöflur sem hanga á korktöflu á s.k. langa gangi í Gamla skóla. Hægt er að hafa samband við húsvörð ef eitthvað er óljóst.

Kosningar fyrir Heimavistarráð næsta vetrar fara fram í andyrinu miðvikudagin 5. október milli klukkan 16:00 og 19:00

Langar þig að vera í heimavistarráði í vetur? Tekið er við framboðum í andyrrinu núna. Framboðsfrestur er til föstudags!

Opið verður til innritunar og lyklar afhentir á eftirtöldum tímum: Þriðjudag 13. september frá kl. 14:00 til kl. 22:00 og Miðvikudag 14. september frá kl. 8:30 til kl. 22:00. Munið eftir að koma með öll þrjú eintök leigusamnings útfyllt, vottuð og undirrituð. Hafa má samband við Sigmund í síma 8991607 ef einhver þarf af góðri ástæðu að fá að koma inn á vistina á öðrum tíma en auglýst er hér að ofan.

Skipulagsbreytingar standa yfir við heimavistina.  Helstu breytingarnar felast í því að leggja meiri áherslu á félagslega og uppeldislega þjónustu við íbúa með því að ráða vistarsjóra með uppeldis- eða félagslega menntun og reynslu af  rekstri . Samhliða þessu á að breyta starfi húsbónda og  dagvinnufólks.  Auglýst verður eftir starfsfólki með hæfni og reynslu af því að vinna með ungmennum.  Mögulega verða ráðnir í afleysingar og hlutastörf nemendur úr fjórða bekk úr hópi íbúa heimavistarinnar. Mikilvægast er að viðhalda og efla heilbrigði, forvarnir og félagslíf íbúa. Nauðsynlegt er að styrkja þennan þátt í skipulagi heimavistarinnar, ásamt því að halda í horfinu þeim góða rekstri sem þar fer fram.  Sameiginleg heimavist MA og VMA hefur verið rekin í átta ár og hefur reksturinn verið skv. áætlun og rekstraforsendur eru í dag traustar. Nýlega endurnýjaði Lundur leigusamning um rekstur Hótels Eddu Akureyri í húsakynnunum yfir sumarið.  Sífellt fjölbreytilegri hópur  nemenda sækir um dvöl á heimavistinni með mismundandi þarfir fyrir aðstoð og handleiðslu.  Heimavistin er afar vinsæl og er fullskipuð fyrir næsta vetur. Vegna þessara skipulagsbreytinga hefur framkvæmdastjóra, húsbónda og starfsmönnum í dagvinnu  verið sagt upp störfum. Starfsfólk verður ráðið fyrir haustið. Því starfsfólki sem hverfur á brott er þakkað fyrir störf þeirra við stofnunina. Stjórn Lundar sem fer með rekstur heimavistarinnar skipa: Kristín Sigfúsdóttir formaður Jónína Guðmundsdóttir ritari Björk Guðmundsdóttir Magnús Garðarsson Jóhannes Ingi Torfason

Starfsmenn heimvistar eru i sumarfríi til 3. ágúst Eftirfarandi eru svör við helstu spurningum sem brenna á umsækjendum heimavistar: Svör við umsóknum fara í póst 28. júní. Greiðsluseðlar vegna staðfestingar- og tryggingargjalds berast frá banka nokkrum dögum síðar. Greiðsluseðlar eru á nafni umsækjenda og birtast einnig í netbönkum. Gjalddagi greiðsluseðla er 15. júlí og eindagi 20. júlí. Tekið verður inn af biðlista 4.-5  ágúst. Raðað verður niður á herbergi eftir 5. ágúst. Séróskir um herbergisfélaga verða að hafa borist fyrir 1. ágúst á netfangið heimavist@heimavist.is Leigusamningar og aðrir pappírar verða sendir í póst viku fyrir upphaf skóla. Þvottanúmer nýrra íbúa heimavistar berast einnig viku fyrir upphaf skóla. Gengið er frá skráningu í mötuneyti við komuna á heimavistina. Ef greiðsluseðill berist ekki er hægt að greiða staðfestingar- og tryggingargjaldið að upphæð 27.000 kr. inn á bankareikning Lundar rekstrarfélags:  Reikningur: 0302-26-106252 Kennitala Lundar rekstrarfélags: 630107-0160 Mikilvægt er að kennitala viðkomandi íbúa komi fram sem skýring við greiðslu. Staðfestingar- og tryggingargjald fæst ekki endurgreitt ef hætt er við komuna á heimavistina.

Verðskrá húsaleigu fyrir skólaárið 2011 – 2012 hefur verið ákveðin. Nýja verðskrá er hægt að sjá með því að opna umsókn um heimavist sem er valmöguleiki hér uppi til vinstri á síðunni.