Umsóknarfrestur um heimavist næsta skólaár var til 10. júní s.l. og hafa sjaldan fleiri umsóknir borist. Menntaskólinn á Akureyri og Verkmenntaskólinn á Akureyri sjá um að forgangsraða á vistina og er verið að leggja lokahönd á þá vinnu. Gert er ráð fyrir að umsækjendur fái bréf í vikunni. Rétt er að vekja athygli á að eindagi fyrir staðfestingar- og skráningargjald og tryggingargjald alls kr. 34.000 er 10. júlí. Verði seðilinn ekki greiddur á eindaga er gert ráð fyrir að viðkomandi hafi hætt við búsetu á vistinni og nemendur á biðlista verða teknir inn. Tekið verður inn af biðlista seinni hluta júlímánaðar.

Starfsfólk heimavistar óskar útskriftarnemendum MA innilega til hamingju með daginn.

Umsóknarfrestur um Heimavist MA og VMA fyrir skólaárið 2014-2015 er til mánudagsins þriðjudagsins 10. júní.

Svava Jóhannsdóttir starfsmaður hjá Mötuneyti MA lést föstudaginn 30. júní. Svava starfaði hjá MMA í á þriðja áratug, lengst af í þvottahúsinu. MMA þakkar Svövu fyrir vel unnin störf hjá stofnuninni og sendir aðstandendum hennar samúðarkveðjur. Útförin fer fram frá Munkaþverárkirkju föstudaginn 6. júní kl.13.30.

Próf í MA byrja þriðjudaginn 27. maí og því tekur próftími við á heimavistinni. Á próftíma gilda ákveðnar reglur á heimavist: Próftími hefst mánudaginn 26. maí kl. 8:00 Á próftíma á að vera næði allan sólarhringinn. Ekki er heimilt að hafa hjá sér gesti nema með sérstöku leyfi starfsmanns. Ekki eru veitt leyfi fyrir næturgestum meðan á próftíma stendur. Morgunmatur er virka daga frá kl. 7:15 – 9:15 og um helgar frá kl. 10:00 – 13:00. Drykkur er alla daga frá kl. 15:00 - 16:30, einnig um helgar. Hljómflutningstæki og sjónvörp á herbergjum og setustofum mega alls ekki valda ónæði. Seta í anddyri og á göngum skal takmörkuð. Reglulegum próftíma í MA lýkur 6. júní n.k. Hafið samband við öryggisvakt í síma 1602 ef þið verðið fyrir ónæði. Sýnum öll tillitssemi. Gangi ykkur vel í prófunum! Starfsfólk Heimavistar MA og VMA

Starfsfólk heimavistar óskar útskriftarnemendum VMA innilega til hamingju með daginn.

André Sandö íbúi á heimavist og nemandi í VMA færði heimavistinni höfðinglega gjöf á dögunum. André sem er nemandi á fjórðu önn í stálsmíði smíðaði kolagrill úr ryðfríu stáli og færði heimavistinni til eignar. Grillið verður vígt í skólabyrjun næsta haust. Starfsfólk þakkar fyrir þessa höfðinglegu gjöf sem á eftir að gleðja íbúa á komandi árum.

Próf í VMA byrja föstudaginn 9. maí og því tekur próftími við á heimavistinni. Á próftíma gilda ákveðnar reglur á heimavist: Próftími hefst miðvikudaginn 7. maí kl. 14:00. Á próftíma á að vera næði allan sólarhringinn. Ekki er heimilt að hafa hjá sér gesti nema með sérstöku leyfi starfsmanns. Ekki eru veitt leyfi fyrir næturgestum meðan á próftíma stendur. Morgunmatur er virka daga frá kl. 7:15 – 9:15 og um helgar frá kl. 10:00 – 13:00. Drykkur er alla daga frá kl. 15:00 - 16:30, einnig um helgar. Hljómflutningstæki og sjónvörp á herbergjum og setustofum mega alls ekki valda ónæði. Seta í anddyri og á göngum skal takmörkuð. Reglulegum próftíma lýkur 20. maí n.k. Hafið samband við öryggisvakt í síma 1602 ef þið verðið fyrir ónæði. Sýnum öll tillitssemi. Gangi ykkur vel í prófunum! Starfsfólk Heimavistar MA og VMA

Í tilefni af sumarkomu ætlar starfsfólk mötuneytisins að grilla fyrir íbúa Sumardaginn fyrsta. Grillað verður frá kl. 18 við matsalinn og verður boðið upp á hamborgara og eitthvað fleira góðgæti. Mætum með bros á vör og í sumarskapi.

Kæru íbúar. Við óskum ykkur gleðilegs sumars og þökkum ánægjuleg samskipti í vetur. Starfsfólk Heimavistar MA og VMA