Umsókn um heimavist fyrir skólaárið 2009 - 2010 Hér til hliðar má finna umsókn um heimavist fyrir veturinn 2009-2010. Þegar hún hefur verið fyllt út þarf að koma henni hingað til okkar á heimavistina Það má gera það á þrennan hátt. Með pósti og þá stílað á Lundur heimavist MA/VMA Eyrarlandsvegi 28, 600 Akureyri og bt. Sigmundar Með tölvupósti á netfangið sigmundur@heimavist.is og þarf þá að fylla út umsóknareyðublað og senda sem viðhengi. Nú eða bara með því að koma og afhenda starfsmanni umsóknina og líta á húsakynni í leiðinni. Núverandi íbúar eru beðnir um að skila umsóknum í anddyri eða til húsbónda. A.T.H. Allar séróskir t.d. um herbergi, herbergisfélaga, nágranna eða aðrar óskir þurfa að koma fram á umsókn eða berast á netfangið sigmundur@heimavist.is ekki síðar en 1. ágúst. Viljum við sérstaklega benda nýnemum á að senda inn sínar óskir á netfangið hér að ofan þar sem aðeins er boðið upp á að haka við heimavist á rafrænni umsókn um skólavist en ekki tilgreina óskir. Umsóknarfrestur er til 12. júní.   Forsvarsmenn Lundar vinna að því ná fram lækkun á fjármagnskostnaði Lundar svo stilla megi hækkun húsleigunnar í hóf fyrir komandi skólaár eða jafnvel að  komast  hjá hækkun húsaleigunnar. Endanleg verðskrá verður birt eins fljótt og unnt er.  

Bílastæðin við skólann og heimavist 4.5.2009 Þeir sem leggja bílum sínum ólöglega við MA og heimavist MA/VMA geta átt von á því framvegis að þurfa að greiða sektir. Bílastæðin við MA og heimavist verða undir eftirliti starfsmanna bæjarins. Þrátt fyrir að bílastæði við skólann hafi verið stækkuð er enn mjög algengt að fólk leggi bílum sínum ólöglega, utan merktra stæða og á grasflötum. Af þessu stafa bæði óþægindi, hætta og skemmdir á umhverfinu. Af þessum sökum hefur verið samið við Akureyrarbæ um að starfsmenn bílastæðasjóðs hafi eftirlit með bílastæðum MA og heimavistar og sekti þá sem leggja bílum sínum ólöglega. Þetta verður gert frá og með mánudeginum 11. maí næstkomandi.  

Ljósmyndakeppni          Vegna lélegrar þátttöku í ljósmyndakeppni heimavistarinnar hefur frestur til að skila inn myndum verið lengdur til föstudagsins 3. apríl. Taktu nú fram myndvélina og smelltu af. Og þegar þú ert búin/nn að taka mynd skaltu lána vinum þínum myndavélina svo þeir geti líka verið með! Að sjálfsögðu er einnig leyfilegt að nota gamla mynd sem tekin var á heimavist. Sendu svo myndina á heimavistarrad@heimavist.is   Heimavistarráð 

Sigurvegari í Poolmóti heimavistarráðs 2009 er Janus Jónsson Heimavistarráð þakkar öllum þeim sem tóku þátt í mótinu.

Á döfinni er poolmót á vistinni  Minnum alla á að skrá sig niður í anddyri sem hafa áhuga á að keppa í poolmótinu. Mótið hefst kl 18:00 þriðjudagskveldið 3.mars Þeir sem hafa áhuga á að vera dómarar á mótinu geta haft samband við Hjálmar 6216 eða 8430016 Endilega takið sem flest þátt !!verðlaun eru í boði fyrir fyrsta sætið og bikar. Heimavistarráð

Smá fréttir af heimavistarráði Heimavistarráð hefur verið að yfirfara og endurnýja reglur heimavistar. Búið er að endunýja myndir af sameiginlegri aðstöðu og setja þær inná heimasíðuna. Minni alla á að taka þátt í skoðanakönnun á heimasíðunni.  

  Næturvörður vistarinnar varð var við mikið hneyksli í kvöld, er íbúi vistarinnar, Einar Bjarni Björnsson, sást borga fyrir Domino's pizzu hér niðri í anddyri heimavistar. Eins og margir vita vinnur Einar sem sendill veitingahússins Greifans og því ekki skrítið að þessi sjón hafi komið næturverði í opna skjöldu. Við biðjumst velvirðingar er meðfylgjandi mynd gæti farið fyrir hjartað á viðkvæmum sálum. Hér sést Einar gera vingott við sendil Domino's.

Allt að skee :P Jæja þá geta heimavistarbúar hætt að bíða eftir myndum af þeim skemmtunum sem haldnar hafa verið á vistinni í vetur því þær eru loksins komnar inn í safnið MYNDIR !! Svo minni ég á að ef þú villt koma e-u á framfæri við heimavistarráð endilega sendu póst á heimavistarrad@heimavist.is eða mættu bara á fund hjá okkur sem er haldinn á mánudagskvöldum kl 19:30

Hér eru smá fréttir af því hvað heimavistarráð er að gera og er búið að gera síðastliðna daga. Unnið er að endurbótum á heimasíðu vistarinnar heimavist.is      (eiga þá myndir af skemmtunum hér á vistinni að fara birtast fyrir þá sem eru alltaf að bíða !!) Heimavistarráð keypti nú á dögunum 37" flatskjá með digital móttakara og dvd spilara og voru þeir settir á setkrók á 2. hæð kvennavistar. Einnig er búið að setja stærra borð þar og annan sófa svo nú geta vistarbúar farið og horft á Discovery channel ofl. Heimavistarráð keypti einnig lítið hljóðkerfi til að hafa á þeim skemmtunum sem eru hér á vistinni svo sem, kvöldvökur og jólahlaðborð. Í þessu hljóðkerfi er 1. 6 rása mixer, 2. 400w hátalarar og 1. hljóðnemi. Af því tilefni gæti kannski orðið tónlistarkvöld hérna á vistinni og vistarbúar látið tónlistarhæfileika sína í ljós. Stefnt er að því að búa til smá kósy setkrók niður í lobbý með sófum, teppum ofl. Gera þar litla hlýlega setuaðstöðu þar sem vistarbúar gætu litið í blöð og bæklinga og spjallað um lífið og tilveruna. Kær kveðja Heimavistarráð Minni vistarbúa á að vera ekki feimin við að koma með hugmyndir og senda þær á heimavistarrad@heimavist.is

=))) Fyrsti fundur heimavistarráðs var haldin í gærkveldi og voru þar rædd ýmis málefni, sem og áætlanir fyrir þessa önn og endurbætur á húsgögnum heimavistar. Áætlunin er að fara svona nokkuð rólega af stað meðan prófatíð er í MA en síðan spýta í lófana þegar henni lýkur. Ef einhverjir hugmyndaríkir heimavistarbúar luma á góðum hugmyndum eða eitthvað varðandi það hvað þeir vilja sjá betra hérna á vistinni þá endilega hafa samband við heimavistarráð eða sendið þeim póst á heimavistarrad@heimavist.is  Með kveðju Heimavistarráð