Á hverju hausti fáum við hressa og skemmtilega nemendur úr 9. og 10. bekk en þessi heimsókn er hluti af heimsókn þeirra í framhaldsskólana; Menntaskólann á Akureyri og Verkmenntaskólann Akureyri. Að þessu sinni komu nemendur frá Gunnskólanum á Raufarhöfn og Öxarfirði, Höfðaskóla, Þingeyjarskóla, Húnavallaskóla og Grunnskólanum á Blönduósi. Nemendurnir fengu kynningu á heimavistinni sem íbúar tóku þátt í og boðið var upp á hressingu í setustofunni eins og venja er. Kærar þakkir fyrir komuna. Fleiri myndir eru á facebook síðunni okkar - Heimavist MA og VMA

Fimmtudagskvöldið 1. mars nk. kl. 20.00 ætla nokkrir 2. árs læknanemar að vera með fræðslu á setustofunni fyrir íbúa heimavistarinnar. Læknanemarnir eru á vegum „Ástráðs“ félags læknanema um forvarnarstarf. Rætt verður t.d. um kynheilbrigði, ótímabærar þunganir og kynsjúkdóma. Hvetjum íbúa að nýta tækifærið til að hitta læknanemana til að fræðast og forvitnast.

Nýr kynningarbæklingur um það fjölbreytta nám sem í boði er í VMA er nú aðgengilegur á netinu. Hægt er að nálgast hann hér.

Heimavistarráð ætlar að bjóða íbúum upp á vöfflukaffi í kvöld þriðjudagskvöldið 13. febrúar kl. 20 í matsalnum.

Ársfundur Lundar 2017 verður fimmtudaginn 8. febrúar n.k. kl. 16 í setustofu heimavistar. Dagskrá ársfundar: 1. Ársreikningur Lundar skólaárið 2016/2017 til kynningar. 2. Skýrsla stjórnar um starfsemi Lundar skólaárið 2016/2017. 3. Önnur mál. Ársfundur Lundar er opinn þeim sem aðild eiga að Heimavist MA og VMA, s.s. íbúum Lundar, foreldrum og forráðamönnum íbúanna, kennurum og starfsmönnum framhaldsskólana á Akureyri auk þeirra starfsmanna sem starfa í húsakynnum Lundar.

Heimavistarráð stendur fyrir bíókvöldi fimmtudagskvöldið 1. febrúar n.k. kl. 20. Mynd og snakk í boði fyrir alla íbúa.

Hannesína Schewing hjúkrunarfræðingur er á vakt tvisvar í viku fyrir íbúa heimavistar. Á mánudögum frá kl. 16.00-17.00 og á fimmtudögum frá kl. 16.30-17.30. Bendum foreldrum og forráðamönnum á að hægt er að hringja í hjúkrunarfræðing á viðtalstíma.

Um nýliðin áramót færðist afgreiðsla húsnæðisbóta frá Vinnumálastofnun til Íbúðalánasjóðs. Þessar breytingar hafa þó ekki áhrif á umsóknir þeirra íbúa sem eiga gildar umsóknir hjá sjóðnum frá því í haust og leigutímabil er ekki lokið samkvæmt samningi. Ekki þarf að endurnýja umsóknir. Þessi breyting um áramót hefur heldur ekki áhrif á hvar íbúar sækja um húsnæðisbætur. Sem fyrr sækja íbúar undir lögaldri um húsnæðisbætur til skrifstofu viðkomandi sveitarfélags þar sem íbúinn á lögheimili. Ef íbúi er orðinn lögráða er sótt um rafrænt líkt og áður á www.husbot.is

Vorönn hófst fimmtudaginn 4. janúar hjá íbúum VMA en íbúar MA hefja sína vorönn um miðjan mánuðinn. Eftir próftímabil taka við hefðbundnir dagar á heimavistinni þar sem almennar reglur um aga og umgengni gilda.

Starfsfólk heimavistar óskar íbúum og fjölskyldum þeirra gleðilegra jóla og farsældar á nýja árinu. Heimavistin verður opnuð eftir jólafrí sunnudaginn 6. janúar kl. 12.