Miðvikudaginn 16. september næstkomandi: Íbúar á 5. og 6. hæð kl. 18:00 (íbúar 6. hæðar komi á 5. hæð). Gangafundir fyrir íbúa gömlu vistar verða á Setustofunni sem hér segir: Miðvikudagur 16. september kl 18:30 íbúar á Baldursheimi, Sökkvabekk og Fensölum. Miðvikudagur 16. september kl. 19:00 íbúar á Miðgarði, Jötunheimum, Álfheimum og Loftsölum, Ásgarði og Útgarði. Gangafundir fyrir íbúa nýju vistar verða haldnir sem hér segir: Fimmtudaginn 17. september næstkomandi: Íbúar á 1. hæð kl. 18:00 Íbúar á 2. hæð kl. 18:30 Íbúar á 3. hæð kl. 19:00 Íbúar á 4. hæð kl. 19:30 Fundarstaður er á viðkomandi gangi. Bestu Kveðjur Starfsfólk heimavistar

Nú styttist í að Menntaskólinn á Akureyri hefji starfsemi sína og heimavistin opni fyrir íbúum skólans. Heimavistin verður opnuð fyrir innritun þriðjudaginn 8. september frá klukkan 13:00 til 20 og miðvikudaginn 9. september frá klukkan 08:30 til 18. Skólasetning Menntakólans á Akureyri verður miðvikudaginn 9. september. Íbúar fá leigusamninga og önnur gögn send viku fyrir upphaf skóla.

María Albína Tryggvadóttir hjúkrunarfræðingur heimavistar verður með viðtalstíma á mánudögum frá kl. 15.30 - 16.30 og á fimmtudögum frá kl. 12-13. Hjúkrunarfræðingur er með viðtalstímana í herbergi á skrifstofugangi. Sími hjúkrunarfræðings er 455 1611.

Minnum íbúa, foreldra og forráðamenn á að hægt er að ná í starfsmann á vakt allan sólarhringinn. Númerið er 899 1602 eða 455 1602.

Nú styttist í að Verkmenntaskólinn hefji starfsemi sína og heimavistin opni fyrir íbúum skólans. Heimavistin verður opnuð fyrir innritun þriðjudaginn 18. ágúst frá klukkan 13:00 til 20 og miðvikudaginn 19. ágúst frá klukkan 08:30 til 18. Stundatöflur nemenda verða afhentar miðvikudaginn 19. ágúst. Íbúar fá leigusamninga og önnur gögn send viku fyrir upphaf skóla.

Skrifstofa heimavistar var opnuð í morgun og var þegar byrjað að taka inn íbúa af biðlista. Ekki er enn búið að ráðstafa öllum herbergjum á heimavistinni næsta skólaár og því hvetjum við áhugasama að hafa samband við okkur á skrifstofunni eða að senda okkur tölvupóst á heimavist@heimavist.is

Greiðsluseðill fyrir staðfestingar- og tryggingargjald skólaárið 2015-2016 ætti að berast frá Arion banka næstu daga. Upphæð greiðslu er 34.000 kr. (7.000 kr í staðfestingargjald og 27.000 í tryggingargjald). Fyrir mistök var textinn á greiðsluseðlinum rangur þ.e. "Húsaleiga". Beðist er afsökunar á þessu en þetta ætti ekki að koma að sök þar sem íbúar eiga þegar að vera búnir að fá heimsenda reikninga, þar sem upphæðin er sú sama og textinn réttur.

Skrifstofur heimavistar verða lokaðar í júlí vegna sumarleyfa starfsmanna.

Hér koma svör við helstu spurningum fyrir umsækjendur heimavistar skólaárið 2015-2016: Svör við umsóknum fóru í póst 25. júní. Mikill fjöldi umsókna barst og ljóst að einhverjir lenda á biðlista en skólarnir sáu um að forgangsraða inn á vistina. Greiðsluseðlar/kröfur vegna staðfestingar- og tryggingargjalds verða stofnaðir/-ar á kennitölu íbúa eða forráðamanna (ólögráða íbúa) í innheimtukerfi Arion banka. Eindagi staðfestingar- og tryggingargjalds er 20. júlí. Ef krafa er ekki greidd á eindaga er gert ráð fyrir að viðkomandi hafi hætt við búsetu á vistinni og nemendur teknir inn af biðlista. Tekið verður inn af biðlista í byrjun ágúst. Raðað verður niður á herbergi fyrstu dagana í ágúst. Breytingar á umsókn s.s. varðandi tegund af herbergi eða herbergisfélaga verða að hafa borist fyrir 1. ágúst á netfangið rosa@heimavist.is Leigusamningar og önnur gögn verða sendir í pósti viku fyrir upphaf skóla. Gengið er frá skráningu í mötuneyti við komuna á heimavistina. Staðfestingar- og tryggingargjald fæst ekki endurgreitt ef hætt er við komuna á heimavistina.

Umsóknarfrestur um heimavist næsta skólaár var til 10. júní s.l. og hafa sjaldan fleiri umsóknir borist. Nú er verið að vinna úr umsóknum en hægt er að sjá þær vinnureglur sem hafðar eru til hliðsjónar við úthlutun á leigurými á heimavistinni hér á heimasíðunni. Gert er ráð fyrir að hægt verði að senda umsækjendum bréf í lok vikunnar. Rétt er að vekja athygli á að eindagi staðfestingar- og tryggingargjalds alls kr. 34.000 er 20. júlí n.k. Verði seðilinn ekki greiddur á eindaga er gert ráð fyrir að viðkomandi hafi hætt við búsetu á vistinni og nemendur á biðlista verða teknir inn. Tekið verður inn af biðlista í byrjun ágúst.